"Сия убо, Божиею помощию возмогаеми, мы, неразумнии, по мере худости нашего разума, написахом на воспоминание себе и подобным мне, иже в чине учимых суть, аще и произволяют. Не от себе же, яко и в начале сих писаний рех, но от Богодухновенных писаний святых Отец, просвещенных разумом. Вся бо - яже зде, не без свидетельства Божественных писаний суть. Аще что обрящется в сих неугодно Богу и неполезно души, моего ради неразумия, да не будет то; но воля Божия, совершенная и благоприятная да бывает, аз же прощения прошу. Аще ли же кто о сих вящшее и полезнейшее разумевает, той тако и да творит, мы же о сем радуемся. Аще же от сих кто пользу обрящет, и о мне, грешнем, да помолится, да получу милость пред Богом".